نجم حسین سید
1936
نجم حسین سیّد پنجابی دے اُچیچے لکھیک تے شاعر نیں جیہناں دا ناں پنجابی ساہت و ادب دی بحالی دے دور نال جُڑیا اے۔ آپ 1936ء نوں مشرقی پاکستان دے ضلع بٹالہ وچہ پیدا ہوئے تے ونڈ ویلے آپ دا خاندان پاکستان آگیا۔ آپ نے فارمن کرسچن کالج توں ایم اے کیتا تے سول سروس وچہ 1995ء تک خدمات انجام دیون توں بعد اکاونٹنٹ جنرل آف پاکستان دے طور تے ریٹائر ہوئے۔ ایس دوران نجم حسین سیّد ہوراں اورئینٹل کالج دے پنجابی ڈیپارٹمنٹ دے سربراہ دے طور تے وی خدمات انجام دِتّیاں۔ آپ دیاں گھٹ ودھ 40 توں زیادہ لِکھتاں نیں جیہناں وچ شاعری، نثر نگاری تے پنجابی ادب تے تنقید شامل ہے۔ آپ نے مجلس شاہ حسین تے پنجابی ادبی سنگت وی قائم کیتی۔