سٹھاں ورھیاں مگروں
اج اوس گلی گیاں
اِک بُوہے تے تھڑی پچھاں پُرانی بیٹھاں
کُڑیاں سکولوں آئیاں کولوں لنگھیاں نیں
اِک مُڑی
"کیوں ایتھے بیٹھے او"
"کدیں ایتھے گھر ہا"
کھلی اوہ ویہندی اے
"کنّیں گلی دی واج نہیں پئی؟"
"نہیں"
"اُچی سُندے او؟"
"آہو، کیہ کہندی اے؟"
"ہور ہوئی آں
ہور کرن لئی ایس شہر نوں لنگھنی آں پئی وِچکاروں
ٹُوں وی ہور ہو آ
پچھاناں تینوں میں"
پرلے سرے تے جاندیاں ساتھناں نال رَلی اوہ
کون سی، ویکھی لگدی اے
نجم حسین سید