گریہ، مایوسی، غم ترک وفا کچھ نہ رہا

گریہ، مایوسی، غم ترک وفا کچھ نہ رہا زندگی رہ گئی جینے کا مزا کچھ نہ رہا روشنی تھی تو ہر اک شے کی حقیقت تھی عیاں تیرگی میں مری آنکھوں کے سوا کچھ نہ رہا پیرہن رنگ برنگے نکل آئے اتنے نو دمیدہ گل شبو میں چھپا کچھ نہ رہا کھا گئی خاک کو ہی خاک کریں کسی سے گلہ کیا کریدیں کہ تہ خاک چھپا کچھ نہ رہا تیرے ملنے کے ڈھنگ بھی تسلیم مگر ذائقہ اس طرح بدلا کہ مزا کچھ نہ رہا کیوں نہ ہو حشر بپا داد وفا کیوں نہ ملے جب ترے چاہنے والوں کے سوا کچھ نہ رہا کیوں نہ مہمانوں کے کمرے میں سجائیں ان کو علم کا نام کتابوں کے سوا کچھ نہ رہا خوشبوئے وصل توجہ کا وہ عالم وہ خلوص ڈوبتے چاند کی آغوش میں کیا کچھ نہ رہا

کشور ناہید

View profile

کشور ناہید3 فروری 1940ء میں بلند شہر (ہندوستان) میں پیدا ہوئیں۔ اُن کے والد آٹھویں جماعت میں تعلیم کو خیرباد کہہ دیا تھا۔ وہ راج گھاٹ نرودا کے مینجر تھے۔ ایک عرصے سے وہ روزنامہ جنگ میں کالم لکھ رہی ہیں۔ کشور پاکستان نیشنل کونسل آف آرٹس کی ڈائریکٹر جنرل کے عہدے پر کام کرتی رہی ہیں۔ اس کے علاوہ وہ کئی سال تک ادبی جریدے ماہِ نو کی ادارت کے فرائض بخوبی انجام دیتی رہی ہیں۔ آج کل وہ اسلام آباد میں سکونت پزیر ہیں۔ اُن کا اولین شعری مجموعہ لبِ گویا 1968میں منظرِ عام پر آیا۔ اور اسے خوب پزیرائی بھی ملی۔ کشور ناہید نہ صرف پاکستان بلکہ بین الاقوامی سطح پر کئی اعزازات اپنے نام کر چکی ہیں، آدم جی ایوارڈ، یونیسکو ادب ایوارڈ برائے اطفال، منڈیلا ایوارڈ اور حکومتِ پاکستان کی جانب سے ستارۂ امتیاز اُن کے نام کیا گیا

Unlock the Power of Language & AI

Benefit from dictionaries, spell checkers, and character recognizers. A revolutionary step for students, teachers, researchers, and professionals from various fields and industries.

Lughaat

Empower the academic and research process through various Pakistani and international dictionaries.

Explore

Spell Checker

Detect and correct spelling mistakes across multiple languages.

Try Now

OCR

Convert images to editable text using advanced OCR technology.

Use OCR