خوش بیاباں میں مگر شہر میں ڈرنا اس کا

خوش بیاباں میں مگر شہر میں ڈرنا اس کا کاسہ ہاتھوں میں لیے گھر میں بھی پھرنا اس کا دل دکھا کے کبھی ہنسنا کبھی رونا اس کا میرے آنگن میں لکھا تھا نہیں بسنا اس کا اس نے تنہائی میں بھی انجمن آرائی کی چاند نے دیکھ لیا آنکھوں کو بھرنا اس کا میں نے دیکھا ہے سر شام اداسی کا خرام پاؤں میں چھالے پہن کے نہ ٹھہرنا اس کا آئنہ دیکھنا منظور نہیں تھا اس کو لطف دیتا تھا ہوا بن کے گزرنا اس کا ہر خلش آن کے رکتی تھی مری بانہوں میں زندگی دیکھتی رہتی تھی تڑپنا اس کا ہے عجب طرز ملاقات عجب طرز سفر پاس آ کے نہ ٹھہرنا نہ گزرنا اس کا

کشور ناہید

View profile

کشور ناہید3 فروری 1940ء میں بلند شہر (ہندوستان) میں پیدا ہوئیں۔ اُن کے والد آٹھویں جماعت میں تعلیم کو خیرباد کہہ دیا تھا۔ وہ راج گھاٹ نرودا کے مینجر تھے۔ ایک عرصے سے وہ روزنامہ جنگ میں کالم لکھ رہی ہیں۔ کشور پاکستان نیشنل کونسل آف آرٹس کی ڈائریکٹر جنرل کے عہدے پر کام کرتی رہی ہیں۔ اس کے علاوہ وہ کئی سال تک ادبی جریدے ماہِ نو کی ادارت کے فرائض بخوبی انجام دیتی رہی ہیں۔ آج کل وہ اسلام آباد میں سکونت پزیر ہیں۔ اُن کا اولین شعری مجموعہ لبِ گویا 1968میں منظرِ عام پر آیا۔ اور اسے خوب پزیرائی بھی ملی۔ کشور ناہید نہ صرف پاکستان بلکہ بین الاقوامی سطح پر کئی اعزازات اپنے نام کر چکی ہیں، آدم جی ایوارڈ، یونیسکو ادب ایوارڈ برائے اطفال، منڈیلا ایوارڈ اور حکومتِ پاکستان کی جانب سے ستارۂ امتیاز اُن کے نام کیا گیا

Unlock the Power of Language & AI

Benefit from dictionaries, spell checkers, and character recognizers. A revolutionary step for students, teachers, researchers, and professionals from various fields and industries.

Lughaat

Empower the academic and research process through various Pakistani and international dictionaries.

Explore

Spell Checker

Detect and correct spelling mistakes across multiple languages.

Try Now

OCR

Convert images to editable text using advanced OCR technology.

Use OCR