اپنے میں جو اب بھولے سے کبھی راحت کا تقاضا پاتا ہے

حالات پہ میرے کر کے نظر دل مجھ سے بہت شرماتا ہے

الجھن میں یکایک ہوتی ہے دم رکتا ہے دل بھر آتا ہے

جب کوئی تسلی دیتا ہے کچھ اور بھی جی گھبراتا ہے

آرام سرکنے والا ہے کس شے پہ یہ غرہ ہے تجھ کو

دنیا یہ بدلنے والی ہے کس چیز پہ تو اتراتا ہے

اعلان سحر کو ہوتا ہے یوں حسن کی شاہنشاہی کا

گردوں پہ سنہرا اک پرچم مشرق کی طرف لہراتا ہے

انداز و ادا سے اے دنیا تو لاکھ سنور کر سامنے آ

یہ جوشؔ فقیر آزاد منش جب دھیان میں تجھ کو لاتا ہے

جوش ملیح آبادی

جوشؔ کا اصلی نام شبیر حسن خاں تھا جو 5 دسمبر 1898 کو ملیح آباد (اتر پردیش) میں پیدا ہوئے۔ خاندانی حسب نسب کے اعتبار سے ان کے اجداد یوسف زئی پٹھان تھے جو افغانستان سے ہجرت کر کے ہندوستان آ گئے تھے۔ ملیح آباد میں سکونت اختیار کر لی تھی اور نوابین اودھ کے دربار میں اعلیٰ عہدوں پر فائز تھے۔جوشؔ نے کچھ غزلیں بھی کہیں لیکن ان کی شہرت کا دارومدار نظموں پر ہے۔ انہوں نے تحریک آزادی کی حمایت میں نظمیں کہیں تو انہیں ملک گیر شہرت حاصل ہوگئی اور انہیں شاعرانقلاب کے لقب سے یاد کیا جانے لگا۔ ان کی سیاسی نظموں پر طرح طرح کے اعتراضات کیے گئے۔ خاص طور پر یہ بات کہی گئی کہ وہ سیاسی شعور سے محروم اور انقلاب کے مفہوم سے ناآشنا ہیں۔ ان نظموں میں خطابت کے جوش کو سوا اور کچھ نہیں لیکن اس حقیقت سے انکار مشکل ہے کہ ملک میں سیاسی بیداری پیدا کرنے اور تحریک آزادی کو فروغ دینے میں جوشؔ کی نظموں کا بڑا حصہ ہے۔

اپنے میں جو اب بھولے سے کبھی راحت کا تقاضا پاتا ہے

المزيد من كتابات هذا المؤلف

استفد من نور اللغة والذكاء الاصطناعي۔

لغات

مدقق إملائي

التعرّف الضوئي على الحروف