ادھر مذہب ادھر انساں کی فطرت کا تقاضا ہے

وہ دامان مہ کنعاں ہے یہ دست زلیخا ہے

ادھر تیری مشیت ہے ادھر حکمت رسولوں کی

الٰہی آدمی کے باب میں کیا حکم ہوتا ہے

یہ مانا دونوں ہی دھوکے ہیں رندی ہو کہ درویشی

مگر یہ دیکھنا ہے کون سا رنگین دھوکا ہے

کھلونا تو نہایت شوخ و رنگیں ہے تمدن کا

معرف میں بھی ہوں لیکن کھلونا پھر کھلونا ہے

مرے آگے تو اب کچھ دن سے ہر آنسو محبت کا

کنار آب رکناباد و گلگشت مصلےٰ ہے

مجھے معلوم ہے جو کچھ تمنا ہے رسولوں کی

مگر کیا درحقیقت وہ خدا کی بھی تمنا ہے

مشیت کھیلنا زیبا نہیں میری بصیرت سے

اٹھا لے ان کھلونوں کو یہ دنیا ہے وہ عقبیٰ ہے

جوش ملیح آبادی

جوشؔ کا اصلی نام شبیر حسن خاں تھا جو 5 دسمبر 1898 کو ملیح آباد (اتر پردیش) میں پیدا ہوئے۔ خاندانی حسب نسب کے اعتبار سے ان کے اجداد یوسف زئی پٹھان تھے جو افغانستان سے ہجرت کر کے ہندوستان آ گئے تھے۔ ملیح آباد میں سکونت اختیار کر لی تھی اور نوابین اودھ کے دربار میں اعلیٰ عہدوں پر فائز تھے۔جوشؔ نے کچھ غزلیں بھی کہیں لیکن ان کی شہرت کا دارومدار نظموں پر ہے۔ انہوں نے تحریک آزادی کی حمایت میں نظمیں کہیں تو انہیں ملک گیر شہرت حاصل ہوگئی اور انہیں شاعرانقلاب کے لقب سے یاد کیا جانے لگا۔ ان کی سیاسی نظموں پر طرح طرح کے اعتراضات کیے گئے۔ خاص طور پر یہ بات کہی گئی کہ وہ سیاسی شعور سے محروم اور انقلاب کے مفہوم سے ناآشنا ہیں۔ ان نظموں میں خطابت کے جوش کو سوا اور کچھ نہیں لیکن اس حقیقت سے انکار مشکل ہے کہ ملک میں سیاسی بیداری پیدا کرنے اور تحریک آزادی کو فروغ دینے میں جوشؔ کی نظموں کا بڑا حصہ ہے۔

ادھر مذہب ادھر انساں کی فطرت کا تقاضا ہے

More poems from same author

Unlock the Power of Language & AI

Lughaat

Spell Checker

OCR