اٹھی وہ گھٹا رنگ سامانیاں کر

گہر پاشیاں کر زر افشانیاں کر

صراحی جھکا اور دھومیں مچا دے

گلابی اٹھا اور گل افشانیاں کر

مٹا داغ ہوش اور مدہوش بن جا

اٹھا جام زر اور سلطانیاں کر

نگاہوں سے برسا دے ابر جوانی

مئے لالہ گوں سے گلستانیاں کر

سمندر پہ چل اور الیاس بن جا

ہواؤں پہ اڑ اور سلیمانیاں کر

سکوں پاؤں چومے وہ ہلچل مچا دے

خرد سر جھکا دے وہ نادانیاں کر

علم کھول کر جوشؔ بد مستیوں کے

جہاں داریاں کر جہاں بانیاں کر

جوش ملیح آبادی

جوشؔ کا اصلی نام شبیر حسن خاں تھا جو 5 دسمبر 1898 کو ملیح آباد (اتر پردیش) میں پیدا ہوئے۔ خاندانی حسب نسب کے اعتبار سے ان کے اجداد یوسف زئی پٹھان تھے جو افغانستان سے ہجرت کر کے ہندوستان آ گئے تھے۔ ملیح آباد میں سکونت اختیار کر لی تھی اور نوابین اودھ کے دربار میں اعلیٰ عہدوں پر فائز تھے۔جوشؔ نے کچھ غزلیں بھی کہیں لیکن ان کی شہرت کا دارومدار نظموں پر ہے۔ انہوں نے تحریک آزادی کی حمایت میں نظمیں کہیں تو انہیں ملک گیر شہرت حاصل ہوگئی اور انہیں شاعرانقلاب کے لقب سے یاد کیا جانے لگا۔ ان کی سیاسی نظموں پر طرح طرح کے اعتراضات کیے گئے۔ خاص طور پر یہ بات کہی گئی کہ وہ سیاسی شعور سے محروم اور انقلاب کے مفہوم سے ناآشنا ہیں۔ ان نظموں میں خطابت کے جوش کو سوا اور کچھ نہیں لیکن اس حقیقت سے انکار مشکل ہے کہ ملک میں سیاسی بیداری پیدا کرنے اور تحریک آزادی کو فروغ دینے میں جوشؔ کی نظموں کا بڑا حصہ ہے۔

اٹھی وہ گھٹا رنگ سامانیاں کر

More poems from same author

Unlock the Power of Language & AI

Lughaat

Spell Checker

OCR