وارث شاہ

وارث شاہ اِک پنجابی شاعر سن جو اپنے سبھ توں وڈے کم، ہیر وارث شاہ، کر کے جانے جاندے نیں۔ وارث شاہ دی ہیر نُوں پنجابی کلاسیکی ادب دا اِک شاہکار منیا جاندا اے۔ وارث شاہ دی شاعری پنجابی زبان، بول چال، اتے اکھاناں دا اک خزانہ اے۔ اوہناں دا پنجابی رہتل اتے رہن سہن دا نقشہ اجے تیکر سبھ توں وکھرا اے۔ اوہناں نے پنجابی زبان اتے شاعری دا جو رنگ بنایا اوہ اوہناں توں بعد کسے توں دوبارہ نہ ہو سکیا۔