شاہ حسین

شاہ حُسین نُوں بابا فرید تے بلّھے شاہ دے نالدا شاعر منّیا جاندا اے۔ اوہ ایک صوفی بزرگ تے شاعر سن جیہناں اپنی زندگی دا زیادہ حصہ مجذوبیت وچّ گزاریا۔ اوہناں نیں شاہ بہلول دے ہتھ تے بیعت کیتی۔ آپ دا تعلق صوفیاں دے فرقہ ملامتیاں توں سی۔ اوہناں نیں ۳۵ سال دی عمر وچّ مجذوبیت اختیار کیتی تے وال، داڑھی مُچھ مُنا کے ہتھ وچّ شراب دی صراحی پھڑ کے گلیاں وچّ پھردے ریہندے۔ ملامتیہ فرقی دے صوفی اوہ رنگ اختیار کردے نیں جیہندے نال لوکائی اوہناں نوں برا بھلا کوے تے اوہ اپنی نفسانی خواہشات دا تدارک کر سکن۔ اوہناں دی شاعری کافیاں دی شکل وچّ ہے جیہندے وچّ وحدت الوجود تے عشق حقیقی دا بیان ہے۔