گرو نانک

سکھ مذہب دے بانی گُرو نانک راوی دے علاقے تلونڈی تحصیل شرقپور وچ پیدا ہوئےتے آپ دا تعلق کھتریاں دی ذات بیدی توں سی۔ آپ نیں خاموش طبیعت پائی، نکّی جیہی عمرے ہی چُپ چُپیتے رہندے تے اپنی عمر دے بالاں نالوں زیادہ سمجھدار سن۔ آپ دی عمر دا زیادہ حصہ تنہائی وچ رب نوں کھوجدیاں لنگھیا۔ آپ دیاں زیادہ تعلیمات شاعری دی شکل وچ نیں جیہناں وچ آفاقی سچائیاں دا بیان حرص ہوس لالچ دی نندیا تے رب دے نال تعلق دا ذکر اے۔