میں چائیں چائیں دھوآں پشاکاں اپنے کونت دیاں
پُھلک پُھلک کے
تھبک تھبک کے
ست کم چھڈ کے دھوآں پشاکاں اپنے کونت دیاں
بھلکے اوہ ایہہ کپڑے پا کے
بودے واہ کے
مینوں ہس ہس دسے دا
آساں دی پُنگری پیلی تے خوشیاں دا بدل وسے دا
میں جم جم پئی بلہاراں دی
وچو وچ جندڑی واراں دی
میں چائیں چائیں دھو آں پشاکاں اپنے کونت دیاں
اوہ چونہہ دناں دی چُھٹی لے کے رب رب کیتا آیا آیا اے
میں چٹھیاں لکھ لکھ تھکی ساں
میں اَوسیاں پاپا اکی ساں
جِند ڈاڈھی ہُسڑی رہندی سی
ایہہ کُلی وڈھن پیندی سی
اِک سوڑ دِلے وچ رہندی سی
لاماں دیاں گلّاں سُن سُن کے دل کُھوہ وچ پے پے جاندا سی
ہن رب رب کیتا چھٹی لے کے کونت میرا گھر آیا اے
میں چائیں چائیں دھواں پشاکاں اپنے کونت دیاں
شریف کنجاہی