بھتّا

وگیاں دے وچ کِھلری ہوئی نالیاں کِن کے بیجی ہوئی لٹکاں کنک وکھاوے وچ وچالے رُت دی رانی سرہیوں پیلے پیلے پُھلاں تھلّے پتر ساوے ساوے کی دساں کیہی سوہنی لگے کیڈی من نوں بھاوے جویں کوئی گِدھا پاوے لم سلمیاں پیلیاں دے وچ سدّھے پدّھرے بنّے مانگ کِسے مٹیار دی پئی بھوں بھوں چیتے آوے اوہ ویکھو خاں راہے راہے سِر تے بھتا چا کے کون پئی اے جاندی لیندی چس پُھلاں دی من دے آپ مہارے جیہے کِسے جذبے دے وس ہو کے جھٹ دا جھٹ کھلو کے پیر اگانہہ نوں چاندی نہ انج پینڈا کھوٹا ہووے، رُکھاوی نہ لگے اس بھتے نے پُجنا ایں اجے کنیاں پیلیاں اگے جتھے ایس دے دیور جیٹھ تے کونت نیں گوڈی لگے دھن شاوا، دھن شاوا تیرے سگھڑ سیانیے جٹیے تیرے جیون چالے مینوں اوہنوں توں ودھ بھاندے جیہڑے سِر تے بھتے چا کے راہ دیاں جوبن جوتاں کولوں اکھ بچا کے وگ تگ کردے جاندے یاں مُڑ انج اوہناں وچ رُجھے منزل تیک نہ بُجے