اکھاں وچوں نیندر اج کِتھے ٹُر گئی اے
پلکاں نے جویں جُڑ بہن دیاں سونہاں پا لئیاں نیں
کِھتیاں وی کتھوں ٹُر کے کِتھے آ گئیاں نیں
تارے کیہڑے ویلے دے پئے اکھاں جھمکاندے نیں
اِک اِک کرکے پئے کئی سوندے جاندے نیں
نال دیاں کوٹھیاں تے سبھ سُتے ہوئے نیں
زندگی دا دا جویں سبھ جُتے ہوئے نیں
کیہے بے فکر پے مار دے گھرا ڑے نیں
ساڈے پلسیٹیاں نے مور پے ڈاڑھے نیں
زندگی دی رات انجے کج لنگھ گئی اے
پتا نہیں باقی جیہڑی اے کیہو جیہی اے
لنگھی ہوئی وچوں وی ۔۔۔ انیندرے ای یاد نیں
اکھیاں دے دیس جگراتے آباد نیں
نیندراں تے پتہ نہیں کِتھے ٹُر گئیاں نیں
ساڈھے بھا کچیاں اباسیاں ای پئیاں نیں
شریف کنجاہی