وچ عاشقاں اج کل تیری

وچ عاشقاں اج کل تیری بجھی اے ہوا ہور کر لے جو ستم کرنی کوئی ہور جفا ہور ہے رنگ زمانے دا تیرے روپ دی رنگن رنگے ہوئے اک رنگ تے کوئی رنگ چڑھا ہور چھائی نہ اجے خون وچ اے شام دی لالی لا رنگلے ہتھاں تے ذرا رنگے حنا ہور بےصورت محبت وی ذرا سرت سمبھالے کر ہور ادا سُتی کلا کوئی جگا ہور دے ہور محبت دی سزا سانوں توں بے شک قانون محبت دا جے دیندا اے سزا ہور بھنڈ ہور وفا میری ذرا وچّ رقیباں گھٹدی اے پئی گلّ جے گھٹدی نوں ودھا ہور دے مینوں صلہ ہور کوئی میری وفا دا سر میرے جفا دا کوئی احسان چڑھا ہور مینوں تیرے روسے دا کوئی غم نہیں پیارے میں تینوں منالانگا کوئی کرکے خطا ہور کیوں پوجاں فقیر ایویں بتاں سنگدلاں نوں ایہہ میرے خدا نہیں کوئی میرا اے خدا ہور