چہرہ تیرا اے سادھ طبیعت

چہرہ تیرا اے سادھ طبیعت تیری اے چور دل اے تیرا کجھ ہور تے دل دی ہوس کجھ ہور بندے دے دل دا نور اے ہندا نظر دا نور باطن تیرا اے کور جے دیدے تیرے نے کور بے آہنگسا اے شوق تے وکھڑے تیرے نے راہ منزل تیری اے دور تے مَٹھی تیری اے ٹور زندگی دا پا کے پج آزادی دے نال آپ گلاں دی پتنگ نوں نہیں دیندا امن دی ڈور طاقت اوہدی دا کردا اے اقرار زمانہ دنیا تے جیہدے بازواں وچ اے عمل دا زور

ڈاکٹر فقیر محمد فقیر

View profile

ڈاکٹر فقیر محمد فقیر دا تعلق گوجرانوالہ دے علاقے تکیہ معصوم شاہ توں سی۔ اصل ناں فقیر محمد پر علمی تے ادبی دنیا وچ ڈاکٹر فقیر محمد فقیر دے ناں توں مشہور ہوئے۔ حکمت آپ دا خاندانی پیشہ سی پر کنگ ایڈورڈ میڈیکل کالج توں انگریزی طب دے کورس کرن پاروں ڈاکٹر سداون لگ پئے۔ پنجابی ادب لئی آپ دیاں خدمات پاروں آپ نوں بابائے پنجابی دا خطاب دِتّا گیا۔ پنجابی ادبی اکادمی دا قیام آپ دی وڈی خدمت اے جِس دے پلیٹ فارم توں پنجابی کلاسیکی ادب دی سودھ کرکے چھپوایا گیا نالے "پنجابی" دے ناں توں ادبی رسالہ وی قیام وچ آیا۔ آپ نے اپنی ساری حیاتی پنجابی دی سیوا وچ وقف کردتی۔

Unlock the Power of Language & AI

Benefit from dictionaries, spell checkers, and character recognizers. A revolutionary step for students, teachers, researchers, and professionals from various fields and industries.

Lughaat

Empower the academic and research process through various Pakistani and international dictionaries.

Explore

Spell Checker

Detect and correct spelling mistakes across multiple languages.

Try Now

OCR

Convert images to editable text using advanced OCR technology.

Use OCR