اکھاں تے دِن دھردے مر گئے

اکھاں تے دِن دھردے مر گئے پر نہیں اکھاں کُھلیاں ایتھے لوکیں مردے مر گئے پر نہیں اکھاں کُھلیاں منگویں تکنی تکیا سبھ اُدھارے کنیں سُنیا سیتی جِبھ نوں جردے مرگئے پر نہیں اکھاں کُھلیاں چیت وساکھیں لاسو لاسیں ساون رڑکو رڑکیں پوہ تے ماگھیں ٹھردے مر گئے پر نہیں اکھاں کُھلیاں ساول تے ہریاول مُڈھیں ڈولھ کے لہو تے مُڑھکا ناگاں دے ڈِھڈ بھردے مر گئے پر نہیں اکھاں کُھلیاں واء وی اک گئی سورج ہفیا تھک گئے چن تے تارے بدل ورھدے ورھدے مر گئے پر نہیں اکھاں کُھلیاں ہرکھ تے نرکھ چہ سہم سہم کے کِنے وہم ہنڈائے کِتھوں کِتھوں ڈردے مر گئے پر نہیں اکھاں کُھلیاں چِر توں گُھوکیں سُتیاں پِنڈ تے شہراں دے وچ سندھو جاگو جاگو کردے مر گئے پر نہیں اکھاں کُھلیاں