شاعر

یاداں، ٹیساں، رونے دھونے گُجھے زخم جدائی دے کنے تحفے ملے نے سانوں، دو دن دی اشنائی دے سسی، سوہنی تے صہباں دے، قصّے اجّ وی دسدے نیں، دے دیندے نے جان وی اپنی سجن نہیں ازمائی دے جیہڑے ساری راتیں نیرھیاں، اندر چانن کردے نیں، دھمّی ویلے بیدردی نال، نہیں اوہ دیپ بجھائی دے کہندا سی کوئی سن کے خبراں، کنک ودھیری ہون دیاں، اسیں تے ہُن وی کدے کدائیں، بُھکھے بال سوائی دے جِنھاں گھراں وچ ہووے چانن، جذبیاں آلے دیوے دا، 'عاطف' اوہ نہیں بھکھے ہُندے، مہکاں دی رشنائی دے