خُش بختاں نے نِگھے نِگھے اکھر لیک لئے

خُش بختاں نے نِگھے نِگھے اکھر لیک لئے ساڈیاں اکھاں نے برفیلے منظر لیک لئے کھمبے وانگ کھلوون دے جد لوکاں مارے بول اکھاں اُتے کھوپے چاڑھے چکر لیک لئے ہونا چاہیدا اے دل اندر کوئی عبادت گھر بھاویں مسجد چھتے کوئی مندر لیک لئے اجلوں لیکھ تھلوچی ساڈے، پانی کوہاں دور سجن آئے تے پلکاں تے اتھر لیک لئے رونق میلیاں دے وچ ڈردا ہُن نہیں جاندا میں کدھرے پھیر نا دل کملا کوئی سدھر لیک لئے اوس وی اپنی روح نوں لا لئے ڈاڈھے سنگھنے پھٹّ میں وی اپنے جُثے اتے ہنٹر لیک لئے عاشقاں اپنے ناں لکھوا لئے بیلے، تھل، دریا عقلاں والیاں عاطف رقبے بنجر لیک لئے