اک بھجے نیناں والڑی
اج چڑھی چُبارے آپ
کنب کنب گئے دھرت اکاش نی
ہونی نوں چڑھیا تاپ
سوہنی دے کھلرے وال نی
جیوں ڈوہنگھیاں شاماں ہون
گوری دے زخمی ہوٹھ نی
جیوں ٹٹے ساگر رون
سبھ ہار سنگھار اس نار دے
وت ویریاں لتے نوچ
تے کنڈیاں اتے ولکدی
نی اک مٹیار دی سوچ
اُس بھجے نیناں والڑی
مرزے نوں لیا پچھان
سُن وے نیلی والیا!
تیرے چُماں تیر کمان
میں اتھرو پونجھ کے بیلیا!
وت ٹر پئی تیرے سنگ
کل روئی ساں تیرے نال وے
اج ہسدی تیرے سنگ
احمد سلیم