شاعر

آ پیار کریئے پُھلاں نوں ماں دیاں ددھل چھاتیاں نوں کہ بندے دی حیاتی، ایہناں چشمیاں دے رس نال جڑی ہوئی کولیاں جوان بانہواں نوں بال دے کولے ریشم ہتھاں نوں کنک دے جوان سٹیاں نوں آ پیار کریئے تھاں تھاں پاٹی ہوئی، لوسی ہوئی، ونڈی ہوئی دھرتی نوں امن دی کتاب نوں جیہڑی ورقہ ورقہ ادھڑ دی پئی ناری دے ساگر پنڈے نوں وراگ نوں، راگ نوں سمندر دے جھل پنے نوں سچ دے کالے چہرے نوں ہونٹھاں دے پاٹے کاگت نوں قلم دی تکھی مسکان نوں اوہنوں موت دی سزا سنائی گئی اے تے اوہ اپنی سجری کِوتا گنگنا رہیا گا رہیا، گائی جا رہیا۔۔۔۔۔۔۔۔ (1969)

احمد سلیم

View profile

احمد سلیم دا اصل ناں محمد سلیم خواجہ اے تے میانہ گوندل ڈسٹرکٹ گجرات پنجاب پاکستان توں تعلق رکھدے نیں۔ پنجابی زبان لئی آپ دیاں خدمات کافی زیادہ نیں کیونکہ پنجابی شاعری دے نال آپ نے دوسریاں زباناں دے ادب دا پنجابی وچ ترجمہ وی کیتا۔ اجکل احمد سلیم اسلام آباد رہائش پذیر نیں جتھے 1996 توں لے کے 2007 تیکر سسٹین ایبل ڈویلپمنٹ پالیسی انسٹیٹوٹ نال جڑے رہے۔ 2010 وچ آپ نوں حکومتِ پاکستان ولّوں پرئڈ آف پرفارمنس دے ایوارڈ نال نوازیا گیا۔

Unlock the Power of Language & AI

Benefit from dictionaries, spell checkers, and character recognizers. A revolutionary step for students, teachers, researchers, and professionals from various fields and industries.

Lughaat

Empower the academic and research process through various Pakistani and international dictionaries.

Explore

Spell Checker

Detect and correct spelling mistakes across multiple languages.

Try Now

OCR

Convert images to editable text using advanced OCR technology.

Use OCR