اداکار فلاپ ہو جاندے نیں

اوہ اداکاری کر دے نیں تے پھڑے جاندے نیں اوہناں دا ساہ اُکھڑ جاندا اے تے اوہ پھڑے جاندے نیں سینے وچ پیڑ لہراوندی اے تے ہنجواں دی کندھ ڈگدی اے چتھیاں ہوئیاں انگلاں اُتے جدوں وساہ دی جوت بجھ جاندی اے سجن دیا نیناں وچ اوہ پھڑے جاندے نیں اوہ ودھیا اداکار ہوندے نیں اوہ ہنجو کیردے نیں، بناں گلیسرین دے تے ایکٹ کردے نیں، سجن دی پیڑ نوں جیویں سچی مچی دا انج ہی ہووے تریہہ نال اوہناں دے ہوٹھ پاٹ جاندے پر اوہ پھڑے جاندے نیں فیر اک دن ، اوہ ہسدے تے ہساوندے نیں پر پھڑے نہیں جاندے اوہناں دے اندر وجدے نیں کچ دے گھنگھرو تے ٹوٹے ٹوٹے کر جاندے نیں دل نوں پر اوہ ہسدے ہی رہندے نیں خورے حیاتی دی فلاپ فلم دے ایہہ ایکٹر اصل وچ مخولئے ہوندے نیں کیوں جے کامیڈی دے رول وچ کوئی نہیں ویکھ سکدا اوہناں دے دل وچوں وگدے لہو نوں تے ٹوٹے ٹوٹے ہوندے دل نوں