بھینا! میں کتدی کتدی ہُٹّی

پچّھی، پِڑی پچھواڑے رہ گئی، ہتھ وچ رہ گئی جُٹّی

اگّے چرخا پِچّھے پیہڑا، میرے ہتّھوں تند تَرُٹّی

بَھوندا بَھوندا اُورا ڈِگا، چھب اُلجھی، تند ٹُٹّی

بھلا ہویا میرا چرخا ٹُٹّا، میری جِند عذابوں چُھٹّی

داج دہیج اوس کیہ کرنا، جِس پریم کٹوری مُٹھّی

اوہو چور میرا پگڑ منگاؤ، جِس میری جِند کُٹھّی

بُلّھا شوہ نے ناچ نچائے، اوتھے دُھم پئی کرکُٹّی

بھینا! میں کتدی کتدی ہُٹّی

سید عبداللہ شاہ قادری بُلھے شاہ

بُلھے شاہ (۱۶۸۰-۱۷۵۷) پنجابی دےصوفی شاعراں وچوں ایک وڈے شاعر نیں- بابا بُلھے شاہ قصور دے سیّد گھرانے وچّ پیدا ہوئے، اوہناں دے والد دا تعلق اُچّ گیلانیاں توں سی تے روزگار لئی اوہ قصور آ وسّے- سیّد خاندان توں تعلق رکھدیاں ہویاں وی اوہناں نے ایک آرائیں بزرگ شاہ عنایت دی بیعت کیتی تے قادری سلسلے نال جڑ گئے- اوہنآں دا بوہتا کلام کافیاں دی صورت وچّ اے پر اوہنآں شاعری دیاں دوسریاں قسماں سی حرفی تے بارا ماہ وچّ وی طبع آزمائی کیتی- بلھے شاہ اپنے دبنگ لہجے پاروں مشہور نیں تے معاشرے دی قدامت پرستی تے بنیاد پرستی دے سخت مخالف نیں-

بھینا! میں کتدی کتدی ہُٹّی

المزيد من كتابات هذا المؤلف

استفد من نور اللغة والذكاء الاصطناعي۔

لغات

مدقق إملائي

التعرّف الضوئي على الحروف