بُلھے نوں سمجھاون آئیاں

بُلھے نوں سمجھاون آئیاں، بھیناں تے بھرجائیاں

من لے بُلھیا ساڈا کہنا، چھڈ دے پلّا رائیاں

آل نبی اولادِ علی نوں، توں کیوں لِیکاں لائیاں

جیہڑا سانوں سیّد سدّے، دوزخ مِلن سزائیاں

جو کوئی سانوں رائیں آکھے، بہشتیں پینگھاں پائیاں

رائیں سائیں سبھنیں تھائیں، رب دِیاں بے پروائیاں

سوہنیاں پرے ہٹائیاں نیں تے، کوجِھیاں لَے گل لائیاں

جے توں لوڑیں باغ بہاراں، چاکر ہوجا رائیاں

بُلّھے شوہ دی ذات کیہ پُچھنایں، شاکر ہو رضائیاں

سید عبداللہ شاہ قادری بُلھے شاہ

بُلھے شاہ (۱۶۸۰-۱۷۵۷) پنجابی دےصوفی شاعراں وچوں ایک وڈے شاعر نیں- بابا بُلھے شاہ قصور دے سیّد گھرانے وچّ پیدا ہوئے، اوہناں دے والد دا تعلق اُچّ گیلانیاں توں سی تے روزگار لئی اوہ قصور آ وسّے- سیّد خاندان توں تعلق رکھدیاں ہویاں وی اوہناں نے ایک آرائیں بزرگ شاہ عنایت دی بیعت کیتی تے قادری سلسلے نال جڑ گئے- اوہنآں دا بوہتا کلام کافیاں دی صورت وچّ اے پر اوہنآں شاعری دیاں دوسریاں قسماں سی حرفی تے بارا ماہ وچّ وی طبع آزمائی کیتی- بلھے شاہ اپنے دبنگ لہجے پاروں مشہور نیں تے معاشرے دی قدامت پرستی تے بنیاد پرستی دے سخت مخالف نیں-

بُلھے نوں سمجھاون آئیاں

نوشته‌های بیشتری از همین نویسنده

از نور زبان و هوش مصنوعی بهره‌مند شوید۔

لغات

بررسی‌کننده‌ی املا

تشخیص نوری نویسه‌ها