اُٹھ گئے گوانڈھوں یار

رَبّا ہُن کِیہ کریے

اُٹھ چلّے ہُن رہندے ناہیں

ہویا ساتھ تیار

رَبّا ہُن کِیہ کریے

ڈاڈھ کلیجے بل بل اُٹھے

بَھڑکے بِرہوں نار

رَبّا ہُن کِیہ کریے

بُلھا شَوہ پیارے باجھوں

رہے اُرار نہ پار

رَبّا ہُن کِیہ کریے

اُٹھ گئے گوانڈھوں یار

رَبّا ہُن کیہ کریے

سید عبداللہ شاہ قادری بُلھے شاہ

بُلھے شاہ (۱۶۸۰-۱۷۵۷) پنجابی دےصوفی شاعراں وچوں ایک وڈے شاعر نیں- بابا بُلھے شاہ قصور دے سیّد گھرانے وچّ پیدا ہوئے، اوہناں دے والد دا تعلق اُچّ گیلانیاں توں سی تے روزگار لئی اوہ قصور آ وسّے- سیّد خاندان توں تعلق رکھدیاں ہویاں وی اوہناں نے ایک آرائیں بزرگ شاہ عنایت دی بیعت کیتی تے قادری سلسلے نال جڑ گئے- اوہنآں دا بوہتا کلام کافیاں دی صورت وچّ اے پر اوہنآں شاعری دیاں دوسریاں قسماں سی حرفی تے بارا ماہ وچّ وی طبع آزمائی کیتی- بلھے شاہ اپنے دبنگ لہجے پاروں مشہور نیں تے معاشرے دی قدامت پرستی تے بنیاد پرستی دے سخت مخالف نیں-

اُٹھ گئے گوانڈھوں یار

نوشته‌های بیشتری از همین نویسنده

از نور زبان و هوش مصنوعی بهره‌مند شوید۔

لغات

بررسی‌کننده‌ی املا

تشخیص نوری نویسه‌ها