میں پا سکا نہ کبھی اس خلش سے چھٹکارا

وہ مجھ سے جیت بھی سکتا تھا جانے کیوں ہارا

برس کے کھل گئے آنسو نتھر گئی ہے فضا

چمک رہا ہے سر شام درد کا تارا

کسی کی آنکھ سے ٹپکا تھا اک امانت ہے

مری ہتھیلی پہ رکھا ہوا یہ انگارا

جو پر سمیٹے تو اک شاخ بھی نہیں پائی

کھلے تھے پر تو مرا آسمان تھا سارا

وہ سانپ چھوڑ دے ڈسنا یہ میں بھی کہتا ہوں

مگر نہ چھوڑیں گے لوگ اس کو گر نہ پھنکارا

جاوید اختر

شاعر، نغمہ نگار، مکالمہ نویس، منظر نویس جاوید اختر صاحب بھارت کے صوبے اُتّر پردیش کے شہر سیتا پور میں سَن 1945 میں پیدا ہوئے جاوید اختر کی پیدائش ادبی روایت کے حامل خاندان میں ہوئی اور اُن کے والد جانثار اختر اور دادا مضطر خیر آبادی بھی مشہور و معروف شاعر تھے. انہوں نے اعلیٰ تعلیم علی گڑھ یونیورسٹی سے حاصل کی. جاوید اختر بھارتی فلمی صنعت سے وابستہ ہیں، اور اپنی تخلیقی صلاحیتوں کے بل پر نیشنل فلم ایوارڈ حاصل کر چکے ہیں جبکہ بھارتی حکومت کی جانب سے اُن کی خدمات کو سراہتے ہوئے انہیں پدما شری اور پدما بھوشن ایوارڈز سے نوازا گیا ہے

میں پا سکا نہ کبھی اس خلش سے چھٹکارا

More poems from same author

Unlock the Power of Language & AI

Lughaat

Spell Checker

OCR