دکھ کے جنگل میں پھرتے ہیں کب سے مارے مارے لوگ

دکھ کے جنگل میں پھرتے ہیں کب سے مارے مارے لوگ
جو ہوتا ہے سہہ لیتے ہیں کیسے ہیں بے چارے لوگ
جیون جیون ہم نے جگ میں کھیل یہی ہوتے دیکھا
دھیرے دھیرے جیتی دنیا دھیرے دھیرے ہارے لوگ
وقت سنگھاسن پر بیٹھا ہے اپنے راگ سناتا ہے
سنگت دینے کو پاتے ہیں سانسوں کے اکتارے لوگ
نیکی اک دن کام آتی ہے ہم کو کیا سمجھاتے ہو
ہم نے بے بس مرتے دیکھے کیسے پیارے پیارے لوگ
اس نگری میں کیوں ملتی ہے روٹی سپنوں کے بدلے
جن کی نگری ہے وہ جانیں ہم ٹھہرے بنجارے لوگ
جاوید اختر
جاوید اختر

شاعر، نغمہ نگار، مکالمہ نویس، منظر نویس جاوید اختر صاحب بھارت کے صوبے اُتّر پردیش کے شہر سیتا پور میں سَن 1945 میں پیدا ہوئے جاوید اختر کی پیدائش ادبی روایت کے حامل خاندان میں ہوئی اور اُن کے والد جانثار اختر اور دادا مضطر خیر آبادی بھی مشہور و معروف شاعر تھے. انہوں نے اعلیٰ تعلیم علی گڑھ یونیورسٹی سے حاصل کی. جاوید اختر بھارتی فلمی صنعت سے وابستہ ہیں، اور اپنی تخلیقی صلاحیتوں کے بل پر نیشنل فلم ایوارڈ حاصل کر چکے ہیں جبکہ بھارتی حکومت کی جانب سے اُن کی خدمات کو سراہتے ہوئے انہیں پدما شری اور پدما بھوشن ایوارڈز سے نوازا گیا ہے

More poems from same author

Unlock the Power of Language & AI

Benefit from dictionaries, spell checkers, and character recognizers. A revolutionary step for students, teachers, researchers, and professionals from various fields and industries.

Lughaat

Empower the academic and research process through various Pakistani and international dictionaries.

Explore

Spell Checker

Detect and correct spelling mistakes across multiple languages.

Try Now

OCR

Convert images to editable text using advanced OCR technology.

Use OCR