میں کب سے کتنا ہوں تنہا تجھے پتا بھی نہیں

ترا تو کوئی خدا ہے مرا خدا بھی نہیں

کبھی یہ لگتا ہے اب ختم ہو گیا سب کچھ

کبھی یہ لگتا ہے اب تک تو کچھ ہوا بھی نہیں

کبھی تو بات کی اس نے کبھی رہا خاموش

کبھی تو ہنس کے ملا اور کبھی ملا بھی نہیں

کبھی جو تلخ کلامی تھی وہ بھی ختم ہوئی

کبھی گلہ تھا ہمیں ان سے اب گلہ بھی نہیں

وہ چیخ ابھری بڑی دیر گونجی ڈوب گئی

ہر ایک سنتا تھا لیکن کوئی ہلا بھی نہیں

جاوید اختر

شاعر، نغمہ نگار، مکالمہ نویس، منظر نویس جاوید اختر صاحب بھارت کے صوبے اُتّر پردیش کے شہر سیتا پور میں سَن 1945 میں پیدا ہوئے جاوید اختر کی پیدائش ادبی روایت کے حامل خاندان میں ہوئی اور اُن کے والد جانثار اختر اور دادا مضطر خیر آبادی بھی مشہور و معروف شاعر تھے. انہوں نے اعلیٰ تعلیم علی گڑھ یونیورسٹی سے حاصل کی. جاوید اختر بھارتی فلمی صنعت سے وابستہ ہیں، اور اپنی تخلیقی صلاحیتوں کے بل پر نیشنل فلم ایوارڈ حاصل کر چکے ہیں جبکہ بھارتی حکومت کی جانب سے اُن کی خدمات کو سراہتے ہوئے انہیں پدما شری اور پدما بھوشن ایوارڈز سے نوازا گیا ہے

میں کب سے کتنا ہوں تنہا تجھے پتا بھی نہیں

More poems from same author

Unlock the Power of Language & AI

Lughaat

Spell Checker

OCR