جو دل نے کہی لب پہ کہاں آئی ہے دیکھو

اب محفل یاراں میں بھی تنہائی ہے دیکھو

پھولوں سے ہوا بھی کبھی گھبرائی ہے دیکھو

غنچوں سے بھی شبنم کبھی کترائی ہے دیکھو

اب ذوق طلب وجہ جنوں ٹھیر گیا ہے

اور عرض وفا باعث رسوائی ہے دیکھو

غم اپنے ہی اشکوں کا خریدار ہوا ہے

دل اپنی ہی حالت کا تماشائی ہے دیکھو

زہرا نگاہ

محترمہ زہرا نگاہ 14 مئی، 1936ء حیدرآباد، دکن، برطانوی ہندوستان میں علمی گھرانے میں پیدا ہوئیں۔ ان کا اصل نام فاطمہ زہرا ہے۔ آپ کے والد قمر مقصود کا شمار بدایوں کے ممتاز لوگوں میں ہوتا ہے۔ جبکہ مشہور ڈراما نویس فاطمہ ثریا بجیا آپ کی بڑی بہن اور مقبول عام ہمہ جہت مصنف انور مقصود بھائی ہیں۔ زہرا نگاہ کا خاندان تلاش معاش میں حیدر آباد دکن میں آباد ہو گیا۔ تقسیم ہند کے بعد زہرا نگاہ اپنے خاندان کے ساتھ حیدر آباد دکن سے ہجرت کر کے کراچی آ گئیں اور یہیں پر اپنی تعلیم مکمل کی۔ حکومت پاکستان نے ان کی خدمات کے صلے میں صدارتی تمغا برائے حسن کارکردگی کا اعزاز عطاکیا۔

اسی مصنف کا مزید کلام

بستی میں کچھ لوگ نرالے اب بھی ہیں یہ اداسی یہ پھیلتے سائے جو دل نے کہی لب پہ کہاں آئی ہے دیکھو رونقیں اب بھی کواڑوں میں چھپی لگتی ہیں یہ حکم ہے کہ اندھیرے کو روشنی سمجھو

جو دل نے کہی لب پہ کہاں آئی ہے دیکھو

اسی مصنف کا مزید کلام

زبان اور مصنوعی ذہانت کی روشنی سے مستفید ہوں

لغات

اِملا شناس

حرف شناس