کوئی ہنگامہ سر بزم اٹھایا جائے

کچھ کیا جائے چراغوں کو بجھایا جائے

بھولنا خود کو تو آساں ہے بھلا بیٹھا ہوں

وہ ستم گر جو نہ بھولے سے بھلایا جائے

جس کے باعث ہیں یہ چہرے کی لکیریں مغموم

غیرممکن ہے کہ منظر وہ دکھایا جائے

شام خاموش ہے اور چاند نکل آیا ہے

کیوں نہ اک نقش ہی پانی پہ بنایا جائے

زخم ہنستے ہیں تو یہ فصل بہار آتی ہے

ہاں اسی بات پہ پھر زخم لگایا جائے

زہرا نگاہ

محترمہ زہرا نگاہ 14 مئی، 1936ء حیدرآباد، دکن، برطانوی ہندوستان میں علمی گھرانے میں پیدا ہوئیں۔ ان کا اصل نام فاطمہ زہرا ہے۔ آپ کے والد قمر مقصود کا شمار بدایوں کے ممتاز لوگوں میں ہوتا ہے۔ جبکہ مشہور ڈراما نویس فاطمہ ثریا بجیا آپ کی بڑی بہن اور مقبول عام ہمہ جہت مصنف انور مقصود بھائی ہیں۔ زہرا نگاہ کا خاندان تلاش معاش میں حیدر آباد دکن میں آباد ہو گیا۔ تقسیم ہند کے بعد زہرا نگاہ اپنے خاندان کے ساتھ حیدر آباد دکن سے ہجرت کر کے کراچی آ گئیں اور یہیں پر اپنی تعلیم مکمل کی۔ حکومت پاکستان نے ان کی خدمات کے صلے میں صدارتی تمغا برائے حسن کارکردگی کا اعزاز عطاکیا۔

کوئی ہنگامہ سر بزم اٹھایا جائے

More poems from same author

Unlock the Power of Language & AI

Lughaat

Spell Checker

OCR