تو قریب آئے تو قربت کا یوں اظہار کروں

آئنہ سامنے رکھ کر ترا دیدار کروں

سامنے تیرے کروں ہار کا اپنی اعلان

اور اکیلے میں تری جیت سے انکار کروں

پہلے سوچوں اسے پھر اس کی بناؤں تصویر

اور پھر اس میں ہی پیدا در و دیوار کروں

مرے قبضہ میں نہ مٹی ہے نہ بادل نہ ہوا

پھر بھی چاہت ہے کہ ہر شاخ ثمر بار کروں

صبح ہوتے ہی ابھر آتی ہے سالم ہو کر

وہی دیوار جسے روز میں مسمار کروں

نِدا فاضلی

ندا فاضلی اردو کے مشہور شاعر و مصنف، فلمی نغمہ نگار، اور مکالمہ نویس تھے۔ ان کا پورا نام مقتدا حسن ندا فاضلی ہے۔ لیکن ندا فاضلی کے نام سے مشہور ہوئے۔ ان کی پیدائش 12 اکتوبر، 1938ء کو دہلی میں ہوئی۔ تقسیم کے بعد ان کے والدین اور خاندان کے افراد پاکستان چلے گئے، لیکن فاضلی بھارت ہی میں رہ گئے۔ ندا صاحب کی تخلیقی صلاحیتوں کو سراہتے ہوئے انہیں ساہتیہ فلم اعزاز اور بھارتی حکومت کی جانب سے پدم شری اعزاز سے نوازا گیا. اردو کے مشہور شاعر ندا فاضلی کی وفات 8 فروری 2016 کو ممبئی میں دل کا دورہ پڑنے سے ہوئی

تو قریب آئے تو قربت کا یوں اظہار کروں

More poems from same author

Unlock the Power of Language & AI

Lughaat

Spell Checker

OCR