آنی جانی ہر محبت ہے چلو یوں ہی سہی

جب تلک ہے خوبصورت ہے چلو یوں ہی سہی

ہم کہاں کے دیوتا ہیں بے وفا وہ ہیں تو کیا

گھر میں کوئی گھر کی زینت ہے چلو یوں ہی سہی

وہ نہیں تو کوئی تو ہوگا کہیں اس کی طرح

جسم میں جب تک حرارت ہے چلو یوں ہی سہی

میلے ہو جاتے ہیں رشتے بھی لباسوں کی طرح

دوستی ہر دن کی محنت ہے چلو یوں ہی سہی

بھول تھی اپنی فرشتہ آدمی میں ڈھونڈنا

آدمی میں آدمیت ہے چلو یوں ہی سہی

جیسی ہونی چاہئے تھی ویسی تو دنیا نہیں

دنیا داری بھی ضرورت ہے چلو یوں ہی سہی

نِدا فاضلی

ندا فاضلی اردو کے مشہور شاعر و مصنف، فلمی نغمہ نگار، اور مکالمہ نویس تھے۔ ان کا پورا نام مقتدا حسن ندا فاضلی ہے۔ لیکن ندا فاضلی کے نام سے مشہور ہوئے۔ ان کی پیدائش 12 اکتوبر، 1938ء کو دہلی میں ہوئی۔ تقسیم کے بعد ان کے والدین اور خاندان کے افراد پاکستان چلے گئے، لیکن فاضلی بھارت ہی میں رہ گئے۔ ندا صاحب کی تخلیقی صلاحیتوں کو سراہتے ہوئے انہیں ساہتیہ فلم اعزاز اور بھارتی حکومت کی جانب سے پدم شری اعزاز سے نوازا گیا. اردو کے مشہور شاعر ندا فاضلی کی وفات 8 فروری 2016 کو ممبئی میں دل کا دورہ پڑنے سے ہوئی

آنی جانی ہر محبت ہے چلو یوں ہی سہی

More poems from same author

Unlock the Power of Language & AI

Lughaat

Spell Checker

OCR