کوئی ہندو کوئی مسلم کوئی عیسائی ہے

سب نے انسان نہ بننے کی قسم کھائی ہے

اتنی خوں خار نہ تھیں پہلے عبادت گاہیں

یہ عقیدے ہیں کہ انسان کی تنہائی ہے

تین چوتھائی سے زائد ہیں جو آبادی میں

ان کے ہی واسطے ہر بھوک ہے مہنگائی ہے

دیکھے کب تلک باقی رہے سج دھج اس کی

آج جس چہرہ سے تصویر اتروائی ہے

اب نظر آتا نہیں کچھ بھی دکانوں کے سوا

اب نہ بادل ہیں نہ چڑیاں ہیں نہ پروائی ہے

نِدا فاضلی

ندا فاضلی اردو کے مشہور شاعر و مصنف، فلمی نغمہ نگار، اور مکالمہ نویس تھے۔ ان کا پورا نام مقتدا حسن ندا فاضلی ہے۔ لیکن ندا فاضلی کے نام سے مشہور ہوئے۔ ان کی پیدائش 12 اکتوبر، 1938ء کو دہلی میں ہوئی۔ تقسیم کے بعد ان کے والدین اور خاندان کے افراد پاکستان چلے گئے، لیکن فاضلی بھارت ہی میں رہ گئے۔ ندا صاحب کی تخلیقی صلاحیتوں کو سراہتے ہوئے انہیں ساہتیہ فلم اعزاز اور بھارتی حکومت کی جانب سے پدم شری اعزاز سے نوازا گیا. اردو کے مشہور شاعر ندا فاضلی کی وفات 8 فروری 2016 کو ممبئی میں دل کا دورہ پڑنے سے ہوئی

کوئی ہندو کوئی مسلم کوئی عیسائی ہے

More poems from same author

Unlock the Power of Language & AI

Lughaat

Spell Checker

OCR