یہ کیسی کشمکش ہے زندگی میں

کسی کو ڈھونڈتے ہیں ہم کسی میں

جو کھو جاتا ہے مل کر زندگی میں

غزل ہے نام اس کا شاعری میں

نکل آتے ہیں آنسو ہنستے ہنستے

یہ کس غم کی کسک ہے ہر خوشی میں

کہیں چہرہ کہیں آنکھیں کہیں لب

ہمیشہ ایک ملتا ہے کئی میں

چمکتی ہے اندھیروں میں خموشی

ستارے ٹوٹتے ہیں رات ہی میں

سلگتی ریت میں پانی کہاں تھا

کوئی بادل چھپا تھا تشنگی میں

بہت مشکل ہے بنجارہ مجازی

سلیقہ چاہیے آوارگی میں

نِدا فاضلی

ندا فاضلی اردو کے مشہور شاعر و مصنف، فلمی نغمہ نگار، اور مکالمہ نویس تھے۔ ان کا پورا نام مقتدا حسن ندا فاضلی ہے۔ لیکن ندا فاضلی کے نام سے مشہور ہوئے۔ ان کی پیدائش 12 اکتوبر، 1938ء کو دہلی میں ہوئی۔ تقسیم کے بعد ان کے والدین اور خاندان کے افراد پاکستان چلے گئے، لیکن فاضلی بھارت ہی میں رہ گئے۔ ندا صاحب کی تخلیقی صلاحیتوں کو سراہتے ہوئے انہیں ساہتیہ فلم اعزاز اور بھارتی حکومت کی جانب سے پدم شری اعزاز سے نوازا گیا. اردو کے مشہور شاعر ندا فاضلی کی وفات 8 فروری 2016 کو ممبئی میں دل کا دورہ پڑنے سے ہوئی

یہ کیسی کشمکش ہے زندگی میں

More poems from same author

Unlock the Power of Language & AI

Lughaat

Spell Checker

OCR