میکدے کا نظام تم سے ہے

شیشہ تم سے ہے جام تم سے ہے

صبح تم سے ہے شام تم سے ہے

ہر طرح کا نظام تم سے ہے

سب کو سوز و گداز تم نے دیا

عشق کا فیض عام تم سے ہے

میں زمانے کے رو بہ رو چپ ہوں

بے تکلف کلام تم سے ہے

خال مشکیں بھی زلف پیچاں بھی

دانہ تم سے ہے دام تم سے ہے

مہر انور میں ہے تمہاری ضیا

حسن ماہ تمام تم سے ہے

تم ہو بنیاد دونوں عالم کی

دو جہاں کا قیام تم سے ہے

ہیں تمہارے ہیں تم ہمارے ہو

ہیں کو عشق دوام تم سے ہے

اب کسی کو نصیرؔ کیا جانے

اب تو جو کچھ ہے کام تم سے ہے

رحمٰن فارس

رحمٰن فارس 27 فروری 1976 کو لاہور میں پیدا ہوئے عہدِ حاضر کے ایک مقبول شاعر ہیں اور انہیں تمام دنیا میں منعقد ہونے والے مشاعروں میں مدعو کیا جاتا ہے رحمٰن فارس کا پہلا مجموعۂ کلام "عشق بخیر" کے نام سے دو ہزار اٹھارہ میں شائع ہوا

میکدے کا نظام تم سے ہے

More poems from same author

Unlock the Power of Language & AI

Lughaat

Spell Checker

OCR