ہمارا اور کوئی غم گسار بھی تو نہیں

تری قسم کا مگر اعتبار بھی تو نہیں

جفا پسند نہیں ناگوار بھی تو نہیں

ستم تو یہ ہے کہ تو شرمسار بھی تو نہیں

تری نگاہ کو آخر کہاں تلاش کروں

رکی نہ دل میں مگر آر پار بھی تو نہیں

کسی غریب پہ آنسو بہائے کون یہاں

یہ بے کسی ہے کہ شمع مزار بھی تو نہیں

ہزار بار پکارا اسے محبت میں

جواب اس نے دیا ایک بار بھی تو نہیں

تلاش پھر ہے مری آج کیوں زمانے کو

نشان قبر کہاں اب غبار بھی تو نہیں

کہاں پہ جا کے کریں کنج عافیت کی تلاش

نصیرؔ جائے سکوں کوئے یار بھی تو نہیں

رحمٰن فارس

رحمٰن فارس 27 فروری 1976 کو لاہور میں پیدا ہوئے عہدِ حاضر کے ایک مقبول شاعر ہیں اور انہیں تمام دنیا میں منعقد ہونے والے مشاعروں میں مدعو کیا جاتا ہے رحمٰن فارس کا پہلا مجموعۂ کلام "عشق بخیر" کے نام سے دو ہزار اٹھارہ میں شائع ہوا

ہمارا اور کوئی غم گسار بھی تو نہیں

More poems from same author

Unlock the Power of Language & AI

Lughaat

Spell Checker

OCR