مجھے غرض ہے ستارے نہ ماہتاب کے ساتھ

چمک رہا ہے یہ دل پوری آب و تاب کے ساتھ

نپی تلی سی محبت لگا بندھا سا کرم

نبھا رہے ہو تعلق بڑے حساب کے ساتھ

میں اس لیے نہیں تھکتا ترے تعاقب سے

مجھے یقیں ہے کہ پانی بھی ہے سراب کے ساتھ

سوال وصل پہ انکار کرنے والے سن

سوال ختم نہیں ہوگا اس جواب کے ساتھ

خموش جھیل کے پانی میں وہ اداسی تھی

کہ دل بھی ڈوب گیا رات ماہتاب کے ساتھ

جتا دیا کہ محبت میں غم بھی ہوتے ہیں

دیا گلاب تو کانٹے بھی تھے گلاب کے ساتھ

میں لے اڑوں گا ترے خد و خال سے تعبیر

نہ دیکھ میری طرف چشم نیم خواب کے ساتھ

ارے یہ صرف بہانہ ہے بات کرنے کا

مری مجال کہ جھگڑا کروں جناب کے ساتھ

وصال و ہجر کی سرحد پہ جھٹپٹے میں کہیں

وہ بے حجاب ہوا تھا مگر حجاب کے ساتھ

شکستہ آئنہ دیکھا پھر اپنا دل دیکھا

دکھائی دی مجھے تعبیر خواب خواب کے ساتھ

وہاں ملوں گا جہاں دونوں وقت ملتے ہیں

میں کم نصیب ترے جیسے کامیاب کے ساتھ

دیار ہجر کے روزہ گزار چاہتے ہیں

کہ روزہ کھولیں ترے اور شراب ناب کے ساتھ

تم اچھی دوست ہو سو میرا مشورہ یہ ہے

ملا جلا نہ کرو فارسؔ خراب کے ساتھ

مجھے غرض ہے ستارے نہ ماہتاب کے ساتھ

چمک رہا ہے یہ دل پوری آب و تاب کے ساتھ

نپی تلی سی محبت لگا بندھا سا کرم

نبھا رہے ہو تعلق بڑے حساب کے ساتھ

میں اس لیے نہیں تھکتا ترے تعاقب سے

مجھے یقیں ہے کہ پانی بھی ہے سراب کے ساتھ

سوال وصل پہ انکار کرنے والے سن

سوال ختم نہیں ہوگا اس جواب کے ساتھ

خموش جھیل کے پانی میں وہ اداسی تھی

کہ دل بھی ڈوب گیا رات ماہتاب کے ساتھ

جتا دیا کہ محبت میں غم بھی ہوتے ہیں

دیا گلاب تو کانٹے بھی تھے گلاب کے ساتھ

میں لے اڑوں گا ترے خد و خال سے تعبیر

نہ دیکھ میری طرف چشم نیم خواب کے ساتھ

ارے یہ صرف بہانہ ہے بات کرنے کا

مری مجال کہ جھگڑا کروں جناب کے ساتھ

وصال و ہجر کی سرحد پہ جھٹپٹے میں کہیں

وہ بے حجاب ہوا تھا مگر حجاب کے ساتھ

شکستہ آئنہ دیکھا پھر اپنا دل دیکھا

دکھائی دی مجھے تعبیر خواب خواب کے ساتھ

وہاں ملوں گا جہاں دونوں وقت ملتے ہیں

میں کم نصیب ترے جیسے کامیاب کے ساتھ

دیار ہجر کے روزہ گزار چاہتے ہیں

کہ روزہ کھولیں ترے اور شراب ناب کے ساتھ

تم اچھی دوست ہو سو میرا مشورہ یہ ہے

ملا جلا نہ کرو فارسؔ خراب کے ساتھ

رحمٰن فارس

رحمٰن فارس 27 فروری 1976 کو لاہور میں پیدا ہوئے عہدِ حاضر کے ایک مقبول شاعر ہیں اور انہیں تمام دنیا میں منعقد ہونے والے مشاعروں میں مدعو کیا جاتا ہے رحمٰن فارس کا پہلا مجموعۂ کلام "عشق بخیر" کے نام سے دو ہزار اٹھارہ میں شائع ہوا

مجھے غرض ہے ستارے نہ ماہتاب کے ساتھ

More poems from same author

Unlock the Power of Language & AI

Lughaat

Spell Checker

OCR