ترے پیرہن میں بھٹک گئے سبھی قافلے رہ شوق کے

تری گفتگو سے پتا چلا کہ ترا پتا کوئی اور ہے

ترے آسرے پہ میں دے چکا کئی بے سہاروں کو آسرا

کہیں یہ نہ ہو کہ پتا چلے تو خدا نہیں کوئی اور ہے

ارے کون ہے میاں کون ہے ابھی کھولتا ہوں رکو رکو

جو گیا لپک کے میں سوئے در تو جواب تھا کوئی اور ہے

یہ جو چھوٹے چھوٹے جزیرے ہیں کہیں کشتیوں کو ڈبو نہ ددیں

کوئی نا خدا کو خبر کرے کہ یہ راستہ کوئی اور ہے

جاوید صبا عہد حاضر کے ایک ممتاز شاعر ہیں۔ ان کا اصل نام سید جاوید حسن ہے اور 03 مارچ 1958 میں پاکستان کے شہر کراچی میں آنکھ کھولی۔

Unlock the Power of Language & AI