یہ جو تنہائی کا آسیب ہے ظالم شئے ہے

جس کو دیکھوں یہی لگتا ہے کہ توہے، ہے ہے

یہ تو معلوم نہیں کیا ہے پیالے میں مگر

یہ جو آنکھوں میں ہے تیری کوئی مئے ہے طے ہے

اک زمانہ ہے کہ بے تاب ہے ملنے کے لیے

اور جو مجھ سے گریزاں ہے وہ تو ہے،ہے ہے

یہ بھی طے ہے کہ کوئی کس سے ملے گا اور کب

کون کب کس سے بحھڑ جائے گا یہ بھی طے ہے

نغمہء درد کو ہے حسن سماعت درکار

یہ جو آنکھوں مین ہے میری اسی دکھ کی لئے ہے

تم سے بھی مجھ کو محبت ہے محبت جیسی

اور اب کیسے کہوں کہہ تو دیا ہے، ہے ہے

ہے یہی اس سے تعلق کی کہانی اپنی

راستہ کوئی مقرر ہے نہ منزل طے ہے

ہائے وہ گیتوں بھرے لوگ کہ جن کے دم سے

زندگی آج بھی اک ساز ہے سر ہے لئے ہے

تجھ کو سمجھایا بھی تھا اس سے نہ کہیو غم دل

ہائے کم بخت یہ کیا کردیا تو نے اے ہے

جاوید صبا عہد حاضر کے ایک ممتاز شاعر ہیں۔ ان کا اصل نام سید جاوید حسن ہے اور 03 مارچ 1958 میں پاکستان کے شہر کراچی میں آنکھ کھولی۔

Unlock the Power of Language & AI