اس کے ساتھ گزارے ہوں گے جس نے تھوڑے تھوڑے دن

ہوں گے منہا عمر رواں سے اس کے تھوڑے تھوڑے دن

رنج و الم نے ساتھ نہ چھوڑا دامن و مژگاں کام آئے

بانٹ لیے آپس میں سب نے میرے تھوڑے تھوڑے دن

ان روزوں جب گہری گہری سانس بھی لینا مشکل تھا

اس کی خاطر جمع کیے تھے میں نے تھوڑے ٹھوڑے دن

اپنی اپنی خوش بوئوں سے دل بہلاتے رہتے ہیں

کب سے میرے پاس پڑے ہیں سب کے تھوڑے تھوڑے دن

اول اول اس کی طلب میں کم کم شدت تھی لیکن

بعد میں ساری عمر لگا دی پہلے تھوڑے تھوڑے دن

تھوڑی تھوڑی دیر کو آئے موسم باد و باراں میں

قطرہ قطرہ دریا بن کر بہہ گئے تھوڑے تھوڑے دن

جاوید صبا عہد حاضر کے ایک ممتاز شاعر ہیں۔ ان کا اصل نام سید جاوید حسن ہے اور 03 مارچ 1958 میں پاکستان کے شہر کراچی میں آنکھ کھولی۔

Unlock the Power of Language & AI