اس کے ہاتھ کی سر گوشی نے دیواروں کے کان بھرے

اس کے ہاتھ کی سر گوشی نے دیواروں کے کان بھرے دیکھتے دیکھتے افواہوں سے لان بھرے دالان بھرے جس چہرے کی دھوم مچی ہے دل کی گہری کھائی میں اس کی آنکھیں حوصلہ افزا اس کے لب امکان بھرے اس نے اپنی خوش بو کے سب رنگ مجسم کر ڈالے لوگ یہی سمجھیں گے شایدپھولوں سے گل دان بھرے اس کے اصول ہم آغوشی میں ایک ذرا سا جھول نہیں ہاتھ سے چھین کے پھینک دے ساغر پھر اس کانقصان بھرے قریہ قریہ سیر کو نکلے موسم موسم سانس بھری خالی ہاتھ سے جھولی تھامی جھولی میں انسان بھرے ایک تری مسکان نے کیا کیاچہروں کو شادابی دی چہروں کی شادابی نے پھرکھیت بھرے کھلیان بھرے