کہانی کو نیا اک موڑ دیجے

کہانی کو نیا اک موڑ دیجے مری حالت پہ مجھ کو چھوڑ دیجے یہی بہتر ہے میری بات کا رخ کسی صفحے کی مانند موڑ دیجے مسافر ہوں محبت کا مسافر کہیں رستے میں مجھ کو چھوڑ دیجے اسی نے جوڑ رکھا تھا ابھی تک یہ لیجے آپ یہ دل توڑ دیجے خدا حافظ برائے مہربانی مجھے جانے دیں رستہ چھوڑ دیجے نظر سے گر کے ٹوٹا ہے تعلق اگر یہ جڑ سکے تو جوڑ دیجے سنائیں کیا محبت کی کہانی پرانی بات ہے اب چھوڑ دیجے