بکھر جائے گی شام آہستہ بولو

بکھر جائے گی شام آہستہ بولو تڑک جائیں گے جام آہستہ بولو نہ دو داغوں کے بھید آہوں کو روکو نہ لو نالوں کا نام آہستہ بولو نہ لے تنہائی کی راتوں میں اک دن خموشی انتقام آہستہ بولو یہی ہوتے ہیں آداب محبت کہ جب لو اس کا نام آہستہ بولو نہ جانے کون بیٹھا ہو کمیں میں اندھیری ہے یہ شام آہستہ بولو فغان دل سے کس کا دل پسیجا یہ ہے سودائے خام آہستہ بولو ابھی تو راہ میں دیوار و در ہیں ابھی دو چار گام آہستہ بولو بہت ہے صدمۂ یک آہ اس کو ہے نازک یہ نظام آہستہ بولو ابھی تو بادۂ الفت کا حقیؔ پیا ہے ایک جام آہستہ بولو

شان الحق حقی

View profile

11اکتوبر2005ء کو آپ کا کینیڈا کے شہر ٹورنٹو میں انتقال ہوا۔شان الحق حقی 15 دسمبر 1917ء کو ہندوستان کے شہر دہلی میں پیدا ہوئے۔ ابتدائی تعلیم دہلی میں حاصل کی، علی گڑھ یونیورسٹی سے بی اے اور سینٹ اسٹیفنر کالج (دہلی یونیورسٹی) سے ایم اے (انگریزی ادب) کی ڈگریاں حاصل کیں۔ تقسیم ہند کے بعد ہجرت کر کے کراچی آ گئے۔آپ مختلف علمی رسائل و جرائد کے مدیر رہے، نیز قومی محکمۂ اطلاعات، اشتہارات و مطبوعات و فلم سازی سے منسلک رہے۔ اردو لغت بورڈ (کراچی) اور مقتدرہ قومی زبان کے لیے گراں قدر علمی خدمات انجام دیں۔ آپ کثیراللسان محقق تھے اور اردو، عربی، فارسی، انگریزی، ہندی، سنسکرت، ترکی اور فرانسیسی زبانوں پر عبور رکھتے تھے۔ جدیدآکسفورڈ اردو انگریزی ڈکشنری آپ ہی کی مرتب کردہ ہے۔حقی صاحب کی ادبی خدمات کو سراہتے ہوئے انہیں تمغہ امتیاز اور قائڈ اعظم ایوارڈ سے نوازہ گیا۔

Unlock the Power of Language & AI

Benefit from dictionaries, spell checkers, and character recognizers. A revolutionary step for students, teachers, researchers, and professionals from various fields and industries.

Lughaat

Empower the academic and research process through various Pakistani and international dictionaries.

Explore

Spell Checker

Detect and correct spelling mistakes across multiple languages.

Try Now

OCR

Convert images to editable text using advanced OCR technology.

Use OCR