اتنا ہی نہیں ہے کہ ترے بن نہ رہا جائے

اتنا ہی نہیں ہے کہ ترے بن نہ رہا جائے وہ جاں پہ بنی ہے کہ جیے بن نہ رہا جائے اب دسترس شوق ہے بس نام تک اس کے اکثر جسے سو طرح لکھے بن نہ رہا جائے غم بردہ سہی غنچۂ افسردہ سہی دل تم پیار سے دیکھو تو کھلے بن نہ رہا جائے ہے دل ہی وہ ناداں کہ ہو تدبیر سے نومید اور پھر کوئی تدبیر کئے بن نہ رہا جائے افتاد میں کچھ سعیٔ متانت نہیں چلتی رونے کو جو روکیں تو ہنسے بن نہ رہا جائے ہم وہ ہیں کہ صد کعبہ و صد دیر کے ہوتے گوشہ کوئی تعمیر کئے بن نہ رہا جائے کچھ دیر گزرتی ہے کہ اے بلبل ناشاد صیاد سے نخچیر ہوئے بن نہ رہا جائے ہر چند کہ فرقت میں تری زہر ہو جینا کچھ قہر ہے ایسا کہ جئے بن نہ رہا جائے

شان الحق حقی

View profile

11اکتوبر2005ء کو آپ کا کینیڈا کے شہر ٹورنٹو میں انتقال ہوا۔شان الحق حقی 15 دسمبر 1917ء کو ہندوستان کے شہر دہلی میں پیدا ہوئے۔ ابتدائی تعلیم دہلی میں حاصل کی، علی گڑھ یونیورسٹی سے بی اے اور سینٹ اسٹیفنر کالج (دہلی یونیورسٹی) سے ایم اے (انگریزی ادب) کی ڈگریاں حاصل کیں۔ تقسیم ہند کے بعد ہجرت کر کے کراچی آ گئے۔آپ مختلف علمی رسائل و جرائد کے مدیر رہے، نیز قومی محکمۂ اطلاعات، اشتہارات و مطبوعات و فلم سازی سے منسلک رہے۔ اردو لغت بورڈ (کراچی) اور مقتدرہ قومی زبان کے لیے گراں قدر علمی خدمات انجام دیں۔ آپ کثیراللسان محقق تھے اور اردو، عربی، فارسی، انگریزی، ہندی، سنسکرت، ترکی اور فرانسیسی زبانوں پر عبور رکھتے تھے۔ جدیدآکسفورڈ اردو انگریزی ڈکشنری آپ ہی کی مرتب کردہ ہے۔حقی صاحب کی ادبی خدمات کو سراہتے ہوئے انہیں تمغہ امتیاز اور قائڈ اعظم ایوارڈ سے نوازہ گیا۔

Unlock the Power of Language & AI

Benefit from dictionaries, spell checkers, and character recognizers. A revolutionary step for students, teachers, researchers, and professionals from various fields and industries.

Lughaat

Empower the academic and research process through various Pakistani and international dictionaries.

Explore

Spell Checker

Detect and correct spelling mistakes across multiple languages.

Try Now

OCR

Convert images to editable text using advanced OCR technology.

Use OCR