عشق کی خوبی کہوں کیا آشنا

عشق کی خوبی کہوں کیا آشنا جان کا دشمن ہے دل کا آشنا بحر الفت سے کنارہ خوب ہے کھا گیا غوطہ تو ڈوبا آشنا روز بد سے ڈر کہ ہو جاتے ہیں پھر دوست دشمن آشنا ناآشنا دہر میں کم یاب کیا نایاب ہیں کیمیا درویش سچا آشنا شاغلان عشق کا یہ درد ہے یا محب یا مہربان یا آشنا پاک الفت ہو تو پھر کیا اے رقیب آشنا ہے آشنا کا آشنا دو سمجھنا صاف ہے بے وحدتی ایک ہی بیگانہ ہو یا آشنا ہم تو دل سے نیک سمجھے ہیں تمہیں تم برا کہتے ہو اچھا آشنا دل جلے کیا کیا نہیں کہتے تمہیں بے مروت بے وفا ناآشنا آؤ جی دل کھول کر مل لیجئے زندگی کا کیا بھروسا آشنا قلزم عشق ایک طوفاں خیز ہے ڈوبے اس دریا میں صدہا آشنا کہئے تو کہہ دوں ہزاروں میں یہ بات ہے نسیمؔ اک گل بدن کا آشنا

دیا شنکر کول نسیم

View profile

پنڈت دیا شنکر نسیمؔ 1811ء میں لکھنؤ میں پیدا ہوئے تھے۔ ان کا تعلق پنڈتوں کے معزز اور تعلیم یافتہ خاندان سے تھا اس لیے ان کو بھی ادبیات سے بے حد دلچسپی تھی۔ ضروری تعلیم حاصل کرنے کے بعد وہ شاہی فوج میں کلرک ہوگئے تھے اور غالباً شعبۂ مالیات کا حساب کتاب رکھتے تھے۔ یہ غازی الدین حیدر اور نصیرالدین حیدر نوابین اودھ کا دور تھا۔ یہ وہ زمانہ تھا جب لکھنؤ اپنی آسودہ حالی اور تعیشات میں مست تھا۔ نسیمؔ نے اپنے ادبی ذوق کی تسکین خواجہ حیدر علی آتشؔ کے آگے زانوئے ادب تہہ کر کے حاصل کی۔ آتشؔ کا مرتبہ ان بزرگ اساتذہ میں نمایاں ہے جنہوں نے اردو زبان کی اصلاح، صفائی اور محاورہ بندی کا کام نہایت خوبی سے کیا اور اپنے اپنے اس کام میں شاگردوں کو شریک کرکے اصلاح زبان کے کام کےتسلسل کو جاری رکھا۔ ان کے کم و بیش تمام شاگردوں نے آگے چل کر ایک خاص طرز کلام میں نام حاصل کیا۔ پنڈت دیا شنکر نے بھی حسب رواج شروع میں غزلوں پر طبع آزمائی کی تھی-

Unlock the Power of Language & AI

Benefit from dictionaries, spell checkers, and character recognizers. A revolutionary step for students, teachers, researchers, and professionals from various fields and industries.

Lughaat

Empower the academic and research process through various Pakistani and international dictionaries.

Explore

Spell Checker

Detect and correct spelling mistakes across multiple languages.

Try Now

OCR

Convert images to editable text using advanced OCR technology.

Use OCR