وِدھوا رُت

مائے نی دس میریے مائے اس ودھوا رُت دا کیہ کریئے ہائے نی اس ودھوا رُت دا کیہ کریئے؟ اِس رُت تے سبھ رُکھ نپترے مہک وہونے اِس رُت ساڈے مکھ دے سورج سیکوں اُونے مائے نی پر وِدھوا جوبن ہور وی لُونے ہائے نی ایہہ لُونا جوبن کیہ کوریئے؟ مائے نی اِس وِدھوا رُت دا کیہ کریئے؟ اِس رُتے ساڈی پیڑ نے وال ودھائے غم دا سوتی دودھا ویس ہنڈائے رکھے روزے، گیت نہ ہوٹھیں لائے ہائے نی اِس رُتے کتھے ڈُب مریئے؟ مائے نی اِس وِدھوا رُت دا کیہ کریئے؟ مائے نی ایہہ رُت کیہدے لڑلایئے کس نوں ایہدے جوٹھے انگ چھہایئے کس دھرمی دے ویہڑے بوٹا لایئے ہائے نی ایہنوں کیہڑے پُھل سنگ وریئے مائے نی اِس وِدھوا رُت دا کیہ کریئے؟ ہائے نی اِس وِدھوا رُت دا کیہ کریئے؟