کنڈیالی تھوہر

میں کنڈیالی تھوہر وے سجنا! اُگی وچ اُجاڑاں جاں اُڈدی بدلوٹی کوئی وَرھ گئی وِچ پہاڑاں جاں اوہ دِیوا جہڑا بَلدا پِیراں دی دیہری تے جاں کوئی کوئل کنٹھ جیہدے دِیاں سُوتیاں جاون ناڑاں جاں چنبے دی ڈالی کوئی جو بالن بن جائے جاں مرُوے دا پُھل بسنتی جو ٹُھنگ جان گٹاراں جاں کوئی بوٹ کے جِس دے حالے نین نہیں سن کُھلے ماریا مالی کَس گُلیلا لے دا کھاں دِیاں آڑاں میں کنڈیالی تھوہر وے سجنا! اُگی کِتے کُراہے نہ کِسے مالی سنجیا مینوں نہ کوئی سنجنا چاہے یاد تیری دے اُچے محلیں میں بیٹھی پئی روواں ہر دروازے لگا پہرا آواں کہڑے راہے؟ می اوہ چندری جِس دی ڈولی لُٹ لئی آپ کہاراں بنّھن دی تھاں بابل جس دے چوہیں کوٹیں بھاویں لگن لکھ تِیاں دے میلے تیری میری پریت دا اڑیا اوہیو حال سُو ہویا جیوں چکّوی پہچان نہ سکے چن چڑھیا دینہہ ویلے میں کنڈیالی تھوہر وے سجنا ! اگی وچ جو باگاں میری مُڈھ بنائی ورمی کالے پھنیر ناگاں میں مُرگائی مانسراں دی جو پھڑلئی کِسے شِکرے جاں کوئی لالھی پَِیر سندھُوری نوچ لئے جہدے کاگاں جاں سسی دی بھین وے دُوجی کم جہدا بس رونا لُٹ کھڑیا جیہدا پُنوں ہوتاں پر آئیاں نہ جاگاں باگاں والیا تیرے باگیں ہن جی نہیوں لگدا کھلی کھلوتی میں واڑاں وِچ سو سو دُکھڑے جھاگاں