جی چاہے پنچھی ہو جاواں
اڈدا جاواں گاؤندا جاواں
اَن چھوہ سِکھراں نُوں چھوہ پاواں
اِس دُنیا دِیاں راہواں بُھل کے
فیر کدی واپس نہ آواں
جی چاہے پنچھی ہوجاواں
جا اشناں کراں وچ زم زم
لاڈِیکاں پِیاں ڈان دا پانی
مان سرووَر دے بہہ کنڈے
ٹُٹا جہیا اِک گیت میں گاواں
جا بیٹھاں وِچ کِھڑِیاں روہِیاں
پھکّاں پؤناں عطِر سنجوئِیاں
ہِم ٹِیسیاں موئِیاں موئِیاں
یُگاں یُگاں توں ککر ہوِئیاں
گھٹ کلیجے میں گرماواں
جی چاہے پنچھی ہوجاواں
ہوئے آلھنا وچ شہتُوتاں
یاں وچ جنڈ کرِیر سروٹاں
آؤن پُرے دے سِیت فراٹے
لچکارے ایوں لین ڈالِیاں
جیوں کوئی ڈولی کھیڈے جڑِیاں
وال کھلاری لے لے جُھوٹاں
اِک دِن ایسا جھکّھڑ جُھلے
اُڈپڈ جاون سبّھے تِیلے
بے گھر بے در میں ہو جاواں
ساری عُمرپِیاں رس غم دا
ایسے نشے وچ جِند ہنڈاواں
جی چاہے پنچھی ہوجاواں
شیو کمار بٹالوی