بِرہوں دی رڑک

مائے نی مائے! میرے گیتاں دے نیناں وچ بِرہوں دی رڑک پوے ادھی ادھی راتیں اُٹھ رون موئے متراں نُوں مائے سانوں نیند نہ پَوے بھیں بھیں، سُگندھیاں چ بنھاں پھہے چاننی دے تاں وی ساڈی پیڑ نہ سوے کوسے کوسے ساہاں دی میں کراں جے ٹکور مائے سگوں سانوں کھان نُوں پَوے آپے نی میں بالڑی میں حالے آپ متاں جوگی مت کیہڑا ایس نُوں دَوے؟ آکھ سُونی مائے ایہنوں رووے بُلھ چتھ کے نی جگ کِتے سُن نہ لَوے! آکھ سُونی کھا لئے ٹک ہجراں دا پکیا لیکھاں دے نی پُٹھڑے توے چٹ لئے تریل لُونی غماں دے گلاب توں نی کالجے نُوں حوصلہ رہوے کیہڑیاں سپیریاں توں منگاں کُنج میل دی میں میل دی کوئی کُنج دَ وے کیہڑا ایہناں دماں دیاں لو بھیاں دے دراں اُتے وانگ کھڑا جوگیاں رہوے پیڑے نی پیڑے ایہہ پیار ایسی تتلی ہے جیہڑی سدا سُول تے بہوے پیار ایسا بھؤر ہے نی جیہدے کولوں واشنا وی لکھاں کوہاں دُور ہی رہوے پیار اوہ محل ہے نی جیہدے چ پکھیرواں دے باجھ کجھ ہور نہ رہوے پیار ایسا آنگناں ہے جیہدے چ نی وصلاں دا رتڑا نہ پلنگ ڈہوے آکھ مائے، ادھی ادھی راتیں موئے متراں دے اُچی اُچی ناں نہ لَوے متے ساڈے موئیاں پِچھوں جگ ایہہ شریکڑا نی گیتاں نُوں وی چندرا کہوے مائے نی مائے میرے گیتاں دے نیناں وچ برہوں دی رڑک پوے ادھی ادھی راتیں اُٹھ رون موئے مِتراں نُوں مائے سانوں نیند نہ پوے