ایہہ میرا گیت

ایہہ میرا گیت کسے نہ گانا ایہہ میرا گیت میں آپے گاکے بھلکے ہی مر جانا ایہہ میرا گیت کسے نہ گانا! ایہہ میرا گیت دھرت توں میلا سورج جیڈ پرانا کوٹ جنم توں پیا اسانوں اس دا بول ہنڈھانا ہور کسے دی جا نا کائی اس نُوں ہوٹھیں لانا ایہہ تاں میرے نال جمیا نال بہشتیں جانا ایہہ میرا گیت میں آپے گا کے بھلکے ہی مر جانا ایس گیت دا عجب جیہا سُر ڈاڈھا درد رنجانا کتک ماہ وچ دُور پہاڑیں کُونجاں دا کُرلانا نور پاک دے ویلے رکھ وچ چڑیاں دا چچلانا کالی راتے سر کڑیاں توں پوناں دا لنگھ جانا! ایہہ میرا گیت میں آپے گا کے بھلکے ہی مرجانا میں تے میرے گیت نے دوہاں جد بھلکے مر جانا برہوں دے گھر جائیاں سانوں قبریں لبھن آئیاں سبھناں سئیاں اک دروازے مکھوں بول الانا کسے کسے دے لیکھے ہوندا ایڈا درد کمانا ایہہ میرا گیت کسے نہ گانا ایہہ میرا گیت میں آپے گا کے بھلکے ہی مر جانا ایہہ میرا گیت کسے نہ گانا!

شیو کمار بٹالوی

View profile

شو کمار بٹالوی نوں برہا دا سلطان تے پنجابی دا جان کیٹس وی آکھیا جاندا ہے۔ اوہناں دی شاعری وچ وچھوڑا، محبت دا دکھ تے جذبات دا ایک سمندر اے- شو کمار بٹالوی سب توں کم عمرشاعر نیں جیہناں ۱۹۵۷ء وچّ ساہتیا اکادمی ایوارڈ حاصل کیتا- ایہہ ایوارڈ اوہناں پنجابی قصہ گوئی نوں ایک نویں رنگ وچّ ڈھالن پاروں حاصل کیتا- اوہناں نے اپنے شاعری وچّ اپنے جذبات دا اظہار زیادہ تر ایک عورت دے روپ وچّ کیتا-

Unlock the Power of Language & AI

Benefit from dictionaries, spell checkers, and character recognizers. A revolutionary step for students, teachers, researchers, and professionals from various fields and industries.

Lughaat

Empower the academic and research process through various Pakistani and international dictionaries.

Explore

Spell Checker

Detect and correct spelling mistakes across multiple languages.

Try Now

OCR

Convert images to editable text using advanced OCR technology.

Use OCR