چھلّیاں

چھلّیاں سُوت کتدیاں پیاں پَیندا پیار کھلار نویں فصل دے قد نوں اَوندا پیا ہُلار مکّی سُوتر کتدی پائے سُنہری تَند پتّر چڑھیاں لالیاں پَوناں وِچ سگندھ نویں فصل دی بالڑی اَج ہوئی مُٹیار چھلّیاں سُوت کتدیاں پیّاں پیندا پیا کِھلار زر خرید جورُو دے وانگر فصلاں دی اِک کہانی منڈِیاں دے وِچ وِکدی رہی اے کنکاں دی بھرپُور جوانی اس دی ناری رُوح اَج وِکنوں کردی ہے اِنکار چھلّیاں سُوت کتدیاں پیّاں پیندا پیا کھلار اُگ اُگ ہفی وِک وِک ہاری کنک ہوئی اِنکاری اَگ کھلویی سُکھڑ ہوکے چھلّیاں وِچلی ناری جو اصلی وارث عِشق دا اَج اُس نوں رہی پُکار چھلّیاں سُوت کتدیاں پیّاں پَیندا پیا کھلار زور زبر دی اتے زراں دی اَج نہ بندی باندی جو عاشق سچاکِرت دا اَج اس نوں پئی بُلاندی نویں رُت دا رج ونگارے بُھکھاں نوں اس وار چھلّیاں سُوت کتدیاں پیّاں پیندا پیا کھلار اوئے سبھناں حقّاں وَالیا تیرے حق ماردے واج اَج تیریاں ہویاں دولتاں تینوں لگِّیاں دی اَج لاج اَج رونق تیرے کھیت دی تیرے ویہڑے دا شِنگار چھلّیاں سُوت کتدیاں پیّاں پیندا پیا کھلار